انضم إلى المنتدى ، فالأمر سريع وسهل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مواقف لزوجات

2 مشترك

اذهب الى الأسفل

مواقف لزوجات Empty مواقف لزوجات

مُساهمة من طرف انا وحبيبتي الأربعاء مارس 03, 2010 9:38 am

مواقف لزوجات ياقلبي عليهم مع أزواجهم الدلوخ الله يخلف عليهم .. ::



وحدة تقول مره وصلني زوجي للمدرسه اللي كنت معلمه فيها الصباح
قلت له وانا نازله: راح اشتاق لك ياحبي ..
قال: انزلي انزلي لا تروح عليك الحصه الاولى ..
آآآآآآه بغيت اصفعه بالمسطره



--------------------------------



ووحده ثانيه تقول: زوجي موراعي هدايا ابد قلت ابشتري هدية له
الجوال الي يستخدمه قديم
المهم غلفته وكاتبة في كرت شعر وكلاااام حلو وعطيته الهدية وكنت بجنبة
فكه بشراسة وجهه فيه علامات استغراب وتعجب وانا مبتسمة طلعه وناظر
قال: لمين هذا
قلت له: لحبيبي
قال: شاريته بالفين وخمسمية يابنت الكلب وهو فرحان
بس شوفوالتعبير قسم بالله ذبلت ابتسامتي
وهو يضحك يقول: اول مرة واحد يهديني بالمبلغ هذا بس تصدقون رحمته



--------------------------------



وهذي وحدة ثانية تقول انها حطت شموع عند باب غرفة النوم



والشموع طبعا على الارض وهي جلست في غرفتها وكاشخة وتنتظر زوجها



المهم دخل الطعس ودعس الشموع برجلينه وقام يصرخ ويتألم



وكفخ زوجته وزعل عليها وتكلم عليها وماخلى شي ماسواه



والمسكينة انهبلت من اللي شافته



المهم الزوج دخل الغرفة وقفل الباب عليه ونام بلحاله



والله هالحرمة مواقفها كثيرة وتضحك بس للاسف الحين تطلقت



ماتنلام تطلب الطلاق
--------------------------------
وحده من البنات ملت من الروتين اليومي في حياتها



وحبت انها تسوي مفاجئه لزوجها بسهره رومنسيه ...



المهم قامت وطلبت الكيكه من الدبلوماسي والعصيرات



وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم



المهم جاء الزوج من الاستراحه وريحته تفاوح دخاخين واستقبلته ودخلته للمجلس



وقصت له من الكيكه وصبت له من العصير



المهم يوم بلع وخلص قالها: الحين وراك مجلستنا بالظلام حشى كأننا بقبر



تقول هي انها بلعتها وسكتت ماتبى تخرب السهره



قام وكمل وقالها: الحين وراك طالبه حجم كبير من الكيكه كان طلبتي حجم صغير



وشوله الاسراف يالله روحي قومي البزارين ياكلون منها عشان ماتكب



عاد هي حامت كبدها منه وزعلت عليه



تدرون المفروض انها تحط له خبز وفول هذا مهب وجه تدليع






--------------------------------



هذي وحده من البنات توها متزوجه وحابه تسوي حركه لزوجها



.. قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف



المهم يوم دخل ويشوف الدنيا شبه مظلمه والدخاخين حاجبه الرؤيه



قام يركض للصاله وجلس يناديها
وهي ساكته ماترد تتغلى عليه



(على بالها حركه ماتدري المسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه (جاء بيكحلها عماها)



بالله وش تتخيلون موقفها ؟؟؟



المفروض انها صبت على راسه موية نار



و آسف على الاطالة مش لازم تقرأ كل القصص

انا وحبيبتي
عضو فعال
عضو فعال

عدد الرسائل : 50
نقاط : 100
تاريخ التسجيل : 26/02/2010

الرجوع الى أعلى الصفحة اذهب الى الأسفل

مواقف لزوجات Empty رد: مواقف لزوجات

مُساهمة من طرف قنـ( الخواطر )ـاص الخميس مارس 04, 2010 7:43 am

ما أحلى الحياة الزوجية لوكانت بهذه الدعابة والمرح
.............
مشكور أخوي
قنـ( الخواطر )ـاص
قنـ( الخواطر )ـاص
مشرف عام
مشرف عام

عدد الرسائل : 421
نقاط : 301
تاريخ التسجيل : 24/02/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى