فقط لمشتركي stc ماعندكم رصيد بالجوال وتبي تكلمون ضروري

من طرف أبو عروه الثلاثاء أكتوبر 13, 2009 11:58 am

ماعندكم رصيد بالجوال وتبون تكلمون ضروري ؟ تعالوا عندي الحل بس لاتعلمون أحد : : :

الـــســــلام عليكــــــم

خدمه خاصه لعملاء [stc] فقط , يعني ياعملاء موبايلي وزين لو سمحتوا يعني صرفوا حالكم شوي ..

المهم

تخيل تبي تجري مكالمه ضروريه ضروريه جداً , ويوم تدق يطلع لك " نأسف لاتستطيع إجراء هذه المكالمه لعدم توفر رصيداً كافً في حسابك" ..

ويوم تستعلم عن الرصيد يطلع لك 00.00 ريال ..

ياحوووووول وش تسوي تبي ترسل كول مي إلا ماعندك ولا كول ميّه يعني بالعربي شافطهن كلهن الثلاثه ..

وبعدين ؟؟

والحل ؟؟

فجأه تبي تروح للبقاله عشان تشحن طبعاً البقاله بعيده , تلقى السياره منصلخ كفرها << لاتسألني وشلون هههههه ..

أدري طولت عليكم ولعبت بمشاعركم الجيّاشه ..

الطريقه عندي بس رجاءاً لاتعلمون أحد يعني السالفه بيني وبينكم لاتطلع لأحد "سري للغايه" ..

- قل بسم الله ثم إمسك جوالك بيدك اليمنى ..

- وإفتح رساله نصيه جديده ..

- تكتب بنص الرساله هذا الرقم : (1055)

- ترسله للرقم 902

وبعد ثواني معدوده

وفجأه

تلقى جوالك فيه رصيد 5 ريالات
طبعاً مايطلع لك إن فيه رصيد لكن لما تتصل على أي رقم يدق معك عاااادي
وينخصم الرصيد اللي طلبته ولما تستعلم يطلع لك -5 سالب خمسه ..

وكل مازدت الرصيد يزيد عدد السوالب ..

يعني تقدر تتصل على كيفك وتزيد الرصيد ..

يعني الموضوع "طلب سلفه" من الإتصالات ..

بس لاتفرحون لما تشحنون الجوال راح يخصمون المبلغ اللي تسلفته ..

وانا من رأيي إن هالخدمه رهيبه جداً للي متعلق او منقطع او عنده أمر ضروري ..

والحين للمنقطعين جربوا وعطوني رايكم ..