أنشودة رآآآئعة ومؤثرة..

السلام عليكم ورحمة الله وبركاته..
صبآآآح الخير..
انشودة اعجبتني و حبيت أسمعكم إياها..

هذي كلماتها..

ودي أموت اليوم ، و أعيش باكر ..
و أشوف منهو بعد موتي فقدني !!



و منهو حملني لين ذيك المقابر
و أشكر أنا كل من كرمني و دفنّي !!


و بأشوف يرثيني أنا كم شاعر ؟
و منهو تركني و ما كتب شي عنّي !!


شخصٍ تعنّى لي ، مع إنه مسافر ..
و شخصٍ قريبٍ ، و أنا ميّت طعنّي !!


و شخصٍ يمثّل دمعته ، ماهو قادر !
و شخصٍ تطيح دموعه كل ما ذكرني

و منهو من أهلي في العزا كان حاضر
و منهو دعى لي في صلاته و رحمني


و منهو بنى بإسمي سبيل و منابر
و منهو يفزّ قلبه إلا من لمحني


و منهو عشاني طول الأيام ساهر
و منهو ثلاث أيام راااااح و تركني !!


و منهو يرتّب غرفتي ، و الدفاتر
و إن شاف صورة لي ، مات و حضنّي


يالله عسى ما تغفى كل المشاعر
( و يالله عسى ما ينصدم يوم ظنّي )


خايف يروح العمر ، و أكون خاسر !
و إن طار طيري ما يفيد التمنّي


( و خايف يجيني وقت ، أكسر خواطر )
إن دارت الدنيا و زماني كسرني !


و مادام هذي الدنيا صارت مظاهر !!
و كل من على كيفه و جوّه يغنّي !!


صحيح مُسلم ، لكن الهمّ كافر !
كل ما بغيت أضحك يهدّدني حزني


الضيق وافي ، و الحزن حيل وافر
و الجرح أكثر شي شفته يحبني


عايش و ميّت بين ماضي و حاضر !
و الصبر مفتاح الفرج ، ضاع منّي


قل وش تبي و تتركني ياحزني ، آمِر
مسكين فرحي ، تصدّق إنه وحشني


شاعر و لكني ما نيب شاعر
ودّي أموت اليوم ، و أرتاح منّي !!

وش رأيكم في الأنشودة؟؟؟

للتحميل:

http://sub3.rofof.com/05ymtrs1/Wdy_Amwwwt_252252.html