أنواع البنات بدووووون زعل

من طرف همس القلم السبت أغسطس 08, 2009 11:54 am

جبت لكم كمـ.. نوع من أنواع البنات بس أتمنى أن محد يزعل مني لأن الصراحة في منهم كذا..

1- الكشخه:
هاذي من تشم ريحة طلعة
تروح تطق لك الميك آب وتلبس ذاك اللبس وتقعد تتفخ بهالشعر
يعني مايهمها رايحه سوق ..جامعة..زيارة عائلية ...كاشخه كاشخه لو انشاء الله تاخذ لفة حول البيت

2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معاها
لكن فيه دلع عن دلع يفرق
الدلع الطبيعي..يااااااااااااااااااااحلوه
لكن الدلع المصطنع ..وووويييييييييع ع ع يغث يلوع الكبد ..ودك تشوتها إذا جات تتكلم
______________________________

3- الكذابه :
هاذي الكذب عندها ماشي سوقه ..تجيب لكم ذيك السالفة وتدري انكم ماتصدقونها بس ماعليها من أحد
(سيارتي وسيارتي وهية حتى جاري ماعندها
فلانه تدرين من خطبني فلان الفلاني اصل وفصل وجمال ووووو بس رفضته!!!!
وااااااي وين ماروح الكل معجب فيني بس انا مااعطي وجه
لايكون مارلين مونرو وانا مادري؟؟؟

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معاه... ولو تقولها اشفيك؟؟؟حذفتك بأكبر ما عندها
هاذي لو تمر الذبانه عند خشمها ياويلها<<<راحت عليها الذبانة

5-الملسونه :
عسى ما تقولها كلمه إلا ردت عليك بعشرة
يعني تشوف ولد بحااالة مادرى عن أحد.. وتقول : شوفي هذا قليل الأدب من الصبح يلحقنا ..
مالت عليه ..يبي له أحد يأدبه.. لازم أهزئه عشان يحرم يلحق أحد!!!!! ..

6-القراااقه :
اووووووووووه هاذي النوعية تخلي الواحد يصدع
يعني تسولف تسولف تسولف... ويالله تسكتها إذا كنت شاطر
من وين تجيب هالسوالف ماأدري.. وأتحدى إن خلتك تسولف

7- المسكينه :
فيه بنات مساكين لكن مو كثير .. هاذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
لوترميها بشبر ماي تغرق...

8-فرفووووووشة:
يعني تحب الضحك والفرفشة والتعليق .. النكد والغم ماتعرفة .. وتتعب نفسياً اذا قعدت مع ناس دمهم ثقيل
وحتى لو كان ماعندها احد يضحك ويسولف .. تروح تشوف وجها بالمرايا وتقعد تعلق على نفسها وتضحك

9-المغروورة:
ويااااكثر البنات اللي شايفين روحهم .. بعض البنات يحق لهم يشوفون نفسهم..
لكن اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ...

10-العنيدة:
في بنات راسهم ياااااااااااااابس
يعني إذابغوا شي سووووووووووه وماهمهم أحد
.. تنطق.. تنحبس.. تتصفق.. ترضخ فالعقال ..ماعليها أهم شي اللي في بالها سوته

-11الحنانه :
هاذي الفئة ماشيه على هالمثل..( كثر الدق يفك اللحام )
هاذي ياويلك منها إذا بغت شي خذته بس موبالعناد لا بالحنة والرنة
يعني إذا بغت شي تقعد تحــــــــــــــــــــــــــــ ـن على راسك اذا لازم تعطيها اللي تبيه عشان تفتك من حنتها

12-الكريمة:
هاذي عجيبه عسى ماتقول أبي شي إلا وهيه جايبته لك ..
وإذا راحت مكان خلصت اللي في المحفظة كلها <<

13- غيورة :
كل البنات يغارون لكن بنسبه تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهاذي الغيرة شينة

14-القزيزة:
هاذي لو تجيب لها طاري السوق وهية نايمه فزت
ودااااااايم دووووم بالسوق ..لو ماتشتري بس تروح السوق شفاحه هاذي هوايتها

16-الشيفة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها

-17 أم دمعة :
هاذي لو تقولها ..كلمة.. صاحت
دمعتها قريبة وعلى طول تبنبع

-18 الملقوفة:
هاذي مسكينة غثيثه واهية ماتدري تحاول تسولف وتجذب الانتباه بس محد صوبها سوالفها بايخه وغبيه وعبالها كلش اسكت مع سوالفها وغشمرتها ثقيلة وسخيفة

من طرف ابو محمد السبت أغسطس 08, 2009 6:08 pm

هههههههههههههههه
معلومات جميله جدا
تسلم أخي

من طرف المهند55 الأحد أغسطس 09, 2009 7:01 pm

همس القلم كتب:..

7- المسكينه :
فيه بنات مساكين لكن مو كثير .. هاذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
لوترميها بشبر ماي تغرق...

هذي ذكرتني بمقولة الفيفي الله يرزقني بنت يتيمة وفقيرة وما عندها اخوان

والف شكر للموضوع الرائع